Un Kontraloria ta hunga un papel importante, stimulando gobièrnu pa operá na un manera transparente i kumpli ku regla di integridat. Kontraloria General di Kòrsou a tuma e inisiativa pa promové esei, poniendo transparensia i integridat riba agènda. Pa sostené e proseso ei, Kontraloria ta usa, entre otro, e instrumentonan ku e organisashon internashonal di kontraloria, ‘International Organisation of Supreme Audit Institutions (INTOSAI)’, a desaroyá. Ku e hèrmèntnan ei, kada kontraloria por inventarisá su propio riesgonan di integridat i fortifiká su propio sistema di maneho di integridat kaminda ta nesesario.
Fin di novèmber 2017, Kontraloria General di Kòrsou, ku sosten di dos moderadó di Mexico i unu propio, a ehekutá un análisis di riesgo. Pa esaki, a usa e instrumento ‘IntoSAINT (Self-Assessment INTegrity)’ di INTOSAI. Durante tres dia, algun empleado di Kontraloria a partisipá na algun tayer práktiko ku e moderadónan a dirigí. A identifiká e aspektonan di integridat ku tin mester di atenshon i a tradusí e informashon akí den plan konkreto di akshon. Di e manera akí, Kontraloria ta sirbi komo ehèmpel pa sektor públiko di Kòrsou.
Blijf op de hoogte van alle workshops, nieuwtjes en evenementen via onze nieuwspagina!
