Investigadó Senior

Kontraloria General di Kòrsou ta un Alto Kolegio di Estado. Su eksistensia ta ankrá den Areglo di Estado di Kòrsou. Den un posishon independiente, Kontraloria General di Kòrsou ta hasi investigashon tokante legalidat i efisiensia di e entrada- i gastunan di Pais Kòrsou, i tokante funshonamentu i integridat di gobièrnu.

Kontraloria General di Kòrsou tin un tim di profeshonal bou di guia di e Sekretario General. Na un forma íntegro i responsabel, nan ta duna un aporte na realisashon di e metanan di e organisashon. Kontraloria General di Kòrsou tin e outorisashon pa e mes skohe e tópikonan di investigashon. Parlamento, kaminda Kontraloria General di Kòrsou ta raportá, tambe por entregá tópiko pa hasi investigashon.

Kontraloria General di Kòrsou ta stimulá un kultura den kua tur funshonario/ trahadó ta forma parti aktivo di e organisashon i por aportá nan talentonan úniko. Un ambiente di trabou humano i un bon balansa di trabou-bida tambe ta elementonan importante di nos kultura. 

Nos ta konvensí ku un diversidat na perspektiva, eksperensia i konosementu lo permití nos bira aun mihó komo organisashon. Kontraloria General di Kòrsou ta buskando personanan enérgiko i ku ambishon pa yuda e instituto den su reto pa wòrdu transformá den un organisashon modelo. E stándart i guianan di e Organisashon Internashonal di Kontralorianan (International Organization of Supreme Audit Institutions (INTOSAI) ta sirbi komo guia.

Kontenido di funshon:

E investigadó Senior ta realisá e siguiente trabounan:

• Sigui desaroyo eksterno i partisipá susesonan partikular/spesífiko di importansia pa e trabou di Kontraloria General Kòrsou na e Manager di investigashon i e lider di sektor.
• Formulá plan di investigashon riba e relato anual, kontrolá relato anual i raportá e resultadonan.
• Prepará investigashon di legalidat i efisiensia, traha proposishon pa investigashon i programa di trabou i ehekutá esakinan.
• Prepará, bou di guia, otro investigashonnan kompliká, ehekutá esakinan i traha rapòrt kompleho di investigashon.
• Bou di guia, traha plan pa investigashon na bienestar di investigashonnan di integridat.
• Kondusí diskushon di progreso ku e Manager di investigashon i e lider di sektor riba diferente investigashon.
• Partisipá aktivamente na deliberashon i grupo di trabou interno.

Abilidatnan prinsipal:

• Atenshon pa kliente (interno i eksterno).
• Profeshonal, responsabel, kouteloso i ta aspirá kalidat.
• Traha den kolaborashon i den tim.
• Aktitut krítiko, ophetivo i dirigí riba resultado.
• Íntegro, transparente i prudente ku informashon konfidensial.
• Kondukta ehemplar.
• Atendé esnan konserní efektivamente.

Eksigensianan di funshon:

• Edukashon sientífiko, Register Accountant ku 3 aña di eksperensia relevante.
• CPA ku 3 aña di eksperensia relevante.
• Edukashon sientífiko relevante ku 3 aña di eksperensia relevante.
• Edukashon post-doktoral ku 3 aña di eksperensia.