Manager di investigashon

Kontraloria General di Kòrsou ta un Alto Kolegio di Estado. Su eksistensia ta ankrá den Areglo di Estado di Kòrsou. Den un posishon independiente, Kontraloria General di Kòrsou ta hasi investigashon tokante legalidat i efisiensia di e entrada- i gastunan di Pais Kòrsou, i tokante funshonamentu i integridat di gobièrnu.

Kontraloria General di Kòrsou tin un tim di profeshonal bou di guia di e Sekretario General. Na un forma íntegro i responsabel, nan ta duna un aporte na realisashon di e metanan di e organisashon. Kontraloria General di Kòrsou tin e outorisashon pa e mes skohe e tópikonan di investigashon. Parlamento, kaminda Kontraloria General di Kòrsou ta raportá, tambe por entregá tópiko pa hasi investigashon.

Kontraloria General di Kòrsou ta stimulá un kultura den kua tur funshonario/ trahadó ta forma parti aktivo di e organisashon i por aportá nan talentonan úniko. Un ambiente di trabou humano i un bon balansa di trabou-bida tambe ta elementonan importante di nos kultura. 

Nos ta konvensí ku un diversidat na perspektiva, eksperensia i konosementu lo permití nos bira aun mihó komo organisashon. Kontraloria General di Kòrsou ta buskando personanan enérgiko i ku ambishon pa yuda e instituto den su reto pa wòrdu transformá den un organisashon modelo. E stándart i guianan di e Organisashon Internashonal di Kontralorianan (International Organization of Supreme Audit Institutions (INTOSAI) ta sirbi komo guia.

Kontenido di funshon:

E manager di investigashon ta realisá, entre otro, e siguiente trabounan/tareanan:

• Sigui desaroyonan eksterno i partisipá susesonan partikular ku ta di importansia pa e trabou di Kontraloria General Kòrsou na e lider di sektor.
• Formulá, huntu ku e investigadó Senior, plan di investigashon pa investigashon di e kuenta anual, kontrolá kuenta anual òf supervisá. Tambe e supervishon por ta dirigí riba e raportahe di e resultadonan.
• Prepará, huntu ku investigadó Senior, investigashon di legalidat i efisiensia, traha proposishon pa investigashon i programa di trabou, i supervisá e ehekushon.
• Raportá riba resultado di e investigashonnan di legalidat i efisiensia.
• Prepará, ehekutá i raportá investigashon kompliká independientemente.
• Prepará plan na benefisio di investigashon di integridat i realisá investigashon di integridat.
• Monitoriá e desaroyo, kalidat i planifikashon di e diferente investigashonnan i, si ta nesesario, ahustá pa asina logra e metanan aspirá.
• Hiba kombersashon ku e lider di sektor tokante progreso di e diferente investigashonnan.

Abilidatnan prinsipal:

• Atenshon pa kliente (interno i eksterno).
• Profeshonal, responsabel, kouteloso i ta aspirá kalidat.
• Traha den kolaborashon i den tim.
• Aktitut krítiko, ophetivo i dirigí riba resultado.
• Management, leidinggevende, analyse en adviesvaardigheden.
• Íntegro, transparente i prudente ku informashon konfidensial.
• Kondukta ehemplar.
• Atendé esnan konserní efektivamente.

Eksigensianan di funshon:

• Edukashon sientífiko, RA of CPA ku 5 aña di eksperensia.
• Edukashon sientífiko relevante ku 5 aña di eksperensia relevante.
• Edukashon postdoktoral ku 5 aña di eksperensia.