Investigadó

Kontraloria General di Kòrsou ta un Alto Kolegio di Estado. Su eksistensia ta ankrá den Areglo di Estado di Kòrsou. Den un posishon independiente, Kontraloria General di Kòrsou ta hasi investigashon tokante legalidat i efisiensia di e entrada- i gastunan di Pais Kòrsou, i tokante funshonamentu i integridat di gobièrnu.

Kontraloria General di Kòrsou tin un tim di profeshonal bou di guia di e Sekretario General. Na un forma íntegro i responsabel, nan ta duna un aporte na realisashon di e metanan di e organisashon. Kontraloria General di Kòrsou tin e outorisashon pa e mes skohe e tópikonan di investigashon. Parlamento, kaminda Kontraloria General di Kòrsou ta raportá, tambe por entregá tópiko pa hasi investigashon.

Kontraloria General di Kòrsou ta stimulá un kultura den kua tur funshonario/ trahadó ta forma parti aktivo di e organisashon i por aportá nan talentonan úniko. Un ambiente di trabou humano i un bon balansa di trabou-bida tambe ta elementonan importante di nos kultura. 

Nos ta konvensí ku un diversidat na perspektiva, eksperensia i konosementu lo permití nos bira aun mihó komo organisashon. Kontraloria General di Kòrsou ta buskando personanan enérgiko i ku ambishon pa yuda e instituto den su reto pa wòrdu transformá den un organisashon modelo. E stándart i guianan di e Organisashon Internashonal di Kontralorianan (International Organization of Supreme Audit Institutions (INTOSAI) ta sirbi komo guia.

Kontenido di funshon:

E investigadó ta enkargá entre otro ku e siguiente tareanan:

• Formulá un plan di investigashon pa kontrolá e kuenta anual i raportá e resultadonan.
• Prepará investigashon di legalidat i prepará proposishon di investigashon i programa di trabou i realisá investigashon di legalidat.
  voert rechtmatigheidsonderzoeken uit.
• Raportá riba e investigashonnan di legalidat.
• Bou di guia, ehersé trabounan den e fase di preparashon pa un investigashon di efisiensia i investigashon spesífiko (kompliká).
• Bou di guia, realisá (sierto parti di) un investigashon di efisiensia i investigashon spesífiko (kompliká) i, bou di guia, prepará rapòrt di investigashon di efisiensia kompliká.
• Guia investigadónan Junior ku tambe ta wòrdu añadí na e investigashon i vigilá e adelanto i reportahe di e investigashonnan di e investigadó Junior.
• Analisá informashon, formulá e resultadonan di investigashon i e rekomendashonnan.
• Tuma nota di kambionan di lei- i regulashon pa posibel konsekuensia pa opheto di e investigashon, plania investigashon di kuenta anual i otro kasonan.
• Partisipá aktivamente na deliberashon i grupo di trabou interno.

Abilidatnan prinsipal:

• Atenshon pa kliente (interno i eksterno).
• Profeshonal, responsabel, kouteloso i ta aspirá kalidat.
• Traha den kolaborashon i den tim.
• Aktitut krítiko, ophetivo i dirigí riba resultado.
• Íntegro, transparente i prudente ku informashon konfidensial.
• Kondukta ehemplar.
• Atendé esnan konserní efektivamente.

Eksigensianan di funshon:

• Edukashon relevante na nivel HBO-accountancy o komparabel (finansiero - ekonómiko o atministrashon públiko) ku eksperensia di trabou.
• Edukashon relevante na nivel sientífiko, sin ku mester tin eksperensia di trabou.