Di 4 pa 8 di yüni último a tuma lugá un enkuentro na nivel atministrativo entre e kuater kontralorianan di Reino Hulandes na ofisina di Kontraloria General di Kòrsou. E kontralorianan tin komo tarea pa kontrolá si e sènnan di impuesto di e siudadano ta wòrdu usá segun reglanan i ku nan ta risibí balor pa nan sèn.
Tópikonan ku a keda tratá ta entre otro: posishon, ròl i tareanan di e kontralorianan, integridat i relashon ku stakeholders. Tambe a kombersá tokante algun investigashonnan resien hasí dor di e diferente kontralorianan. Riba djaweps 7 di yüni 2018 Kontraloria General di Kòrsou tabatin un selebrashon relatá na su di 65 aniversario. Promé ku e selebrashon aki a tuma lugá un seminario ku e tema ‘Un Kontraloria efektivo’. Meta di e seminario aki tabata pa e kuater kontralorianan huntu ku Ministernan i Parlamentarionan presente hiba un bon kòmbersashon i interkambiá di konosementu kon por mehorá e funshonamentu di gobièrnu.
Meer nieuws? Klik dan por mira!
