Pa lei, tur aña Kontraloria tin e tarea di kontrolá si e entradanan (impuesto i otro kobransa) a ser kobrá di akuerdo ku regla i si e gastunan a ser hasí konforme presupuesto i di akuerdo ku regla. Tambe ta kontrolá si a ehekutá e aktividatnan di atministrashon públiko konforme lei i e reglanan fihá. E lei- i reglanan ta toka entre otro:
- imposishon di impuesto;
- kontratashon públiko i privá;
- outorisashon pa hasi pedido;
- dunamentu di pèrmit, supsidio, ònderstant etc.
E informenan di e investigashonnan di legalidat di entrada i gastu di gobièrnu, nos ta presentá den nos publikashon anual tokante Kuenta Anual di Pais. Resultado di e investigashonnan di legalidat tokante e aktividatnan di atministrashon públiko ta bai den un rapòrt ku ta keda presentá na Parlamento.
Pa kumpli ku nos tareanan, nos ta disponé entre otro di e resultadonan di trabou di Stichting Overheidsaccountantsbureau.
