Investigashon di efisiensia tin keber ku tres E: Ekonomia, Efisiensia i Efektividat. Ku otro palabra, Kontraloria ta investigá si e gobièrnu ta traha na un manera efisiente, usando e kantidat adekuá di medio pa por logra e resultadonan deseá. No tin manera mas barata pa logra e mesun resultado? Si un maneho no ta hiba na e resultadonan deseá, ese por tin diferente kousa. Ku nos investigashon, nos ke komprondé e kousanan ei i identifiká posibel tendensia. Por ehèmpel, nos por konsehá e ministernan kiko mester sosodé pa realmente yega na e resultadonan deseá. Algun posibel kousa ta ku:
- meta di e maneho no ta formulá na un manera kla sufisiente;
- e maneho ta inkluí sierto regla ku den práktika ta sea muchu kompliká òf presisamente muchu limitá;
- minister ta pone muchu poko plaka disponibel pa ehekushon di e maneho;
- minister ta ehersé muchu poko kontrol riba ehekushon di e maneho.
