KONTRALORIA A DUN’UN MAN I GANA KURASONNAN DURANTE CURA DOET
Dia 9 di mart 2018 boluntarionan di personal di Kontrolaria a partisipá pa di promé biaha na e aktividatnan di CURA DOET. Huntu a skohe pa e proyekto di Skol Avansá Amador Nita.
Na e skol aki e boluntarionan a fèrf un barak kaminda ta duna lès. Tantu paden komo pafó di e barak a keda di fèrf bèrdè.
E direktor i e direktor athunto di e skol tabata hopi kontentu ku e aporte di e boluntarionan i e resultado final. Segun e direktor: “Koló ta trese alegria. Bèrdè ta koló di speransa. Un trabou hasí ku amor pa nos hóbenan. Ta fundeshi pa progreso!”
E boluntarionan di Kontraloria a eksperensiá e dia aki komo unu positivo i nan ta kontentu ku di e forma aki nan por a kontribuí ku komunidat i hubentut di Kòrsou en partikular.
